Tey, sum hava koyrt framvið Auto í seinastuni, hava nokk lagt merki til at arbeitt hevur veri á loftinum í Auto.
Koyr.fo hevur leigað seg inn í hølini uppi á loftinum og fer nýggi koyriskúlin, Koyr.fo, at húsast har.
Eigarin av Koyr.fo eitur Bergur Joensen og er hann einans 24 ára gamal. “Eg eri ógvuliga spentur at síggja, hvussu føroyingar fara at taka ímóti nýggja koyriskúlanum, og ætlanin er at veita góða tænastu til sámuligar prísir”, sigur Bergur Joensen.
Nýtt teorihold byrjar longu 21. august og áhugaði kunnu ringja til 261726 ella vitja nýggju heimasíðuna hjá koyriskúlanum á www.koyr.fo.