Granskingarskráin Havgransking í Norðuratlantshavi hevði í hesum døgum frá mikudegnum, 2. marts, kick-off fund í Føroyum, har faknevndin og umboð fyri tær 4 verkætlanarnar ið vóru játtaðar í 2021 luttóku.
Tað er Granskingarráðið, sum hevur fingið til uppgávu at umsita granskingarskránna um havgransking í Norðuratlantshavi við serligum atliti til broytingar í veðurlagnum.
Sum partur av fundinum hava granskararnir eisini vitjað á Bakkafrost og á Fiskaaling við Áir.
Jóhanna Lava Køtlum, stjóri, bjóðaði vælkomin og greiddi frá virkseminum hjá Fiskaaling. Síðani greiddu granskarar á Fiskaaling Gunnvør á Norði, Amanda Vang og Ása Jacobsen frá um aktuellar verkætlanir.