Leygardagin, 23.
oktober, lat TUTL út fyrstu útgávuna hjá forkunnuga nýggja føroyska
fólkarokkbólkinum Hamradun út. Í hesum sambandi var móttøka í TUTL-handlinum á Káta Hornið kl. 16.
Fløgan verður til keyps, og TUTL bjóðar kaffi, te og okkurt søtt afturvið.
Manningin í Hamradun, ið telur Pól Arna Holm, John Áka Egholm, Una Debess, Rana
Hammershaimb Christiansen og Finnur Hansen. er samansett av ymiskum
tónleikarum, ið m.a. hava spælt við kendum nøvnum sum Týr, Hamferð, GoGoBlues,
Eager To Please - bert fyri at nevna nøkur fá. Tónleikurin ferðast í einum
heimi av føroyskum sagnum og vísum, og eru allir tekstirnir á føroyskum.