Grannahoyringar: Umboðsmaðurin átalar aftur Tórshavnar kommunu
Kanning av mannagongdunum hjá Tórshavnar kommunu í sambandi við grannahoyringar
Umboðsmaðurin hevur sum framhald av einum ítøkiligum klagumáli kannað við hvørji heimild, nær og hvussu Tórshavnar kommuna fremur grannahoyringar í byggimálum, og hvørjar upplýsingar kommuna letur víðari í sambandi við grannahoyringar.
Kanningin vísti, at Tórshavnar kommuna í hesum ítøkiliga máli óheimilað hevði latið persónsupplýsingar víðari til 3. persón.
Umboðsmaðurin gav Tórshavnar kommunu eina átalu fyri handfaringini av ítøkiliga málinum, og heitti samstundis á Tórshavnar kommunu um at endurskoða sínar mannagongdir um hoyringar í byggimálum. (LUM 18/00092)