Formaðurin í Bátafelaganum bjóðar øllum vælkomnum á Bátafestival á Toftum

Í dag, 1. mai byrjaði ársins fyrsta, stóra bátatiltak – ‘Bátafestivalurin á Toftum’.

Vit hava glett okkum, at taka ímóti vitjandi – og teimum mongu, ið skulu geva teimum vitjandi eina góða uppliving:

Røðara, sangarum, hornorkestri, tónleikarum, sangarum, undirhaldara, veitarum og øllum teimum, sum hjálpa til og fáa bátafestivalin at rigga í verki.

‘Bátafestivalurin á Toftum’ er fyri bæði børn og vaksin.

Fyri børnini er skipað fyri andlitsmáling, hoppiborgum og skattaveiðu.

Á festivalinum er mat- og kaffisøla, mótaframsýning, tónleikur og sangur – endað verður við ‘syngið við’-tiltaki í teltinum.

VÆL KOMIN Á BÁTAFESTIVAL Á TOFTUM!

Við bátakvøðu

Høgni W. Høgnesen
Bátafelagið á Toftum