Fólkaheilsuráðið legði sín góða dám á
Hjólveltingina við góðum tónleiki og upphiting við Mariann Hansen.
Upphitingin samansjóðaði teir 40 súkklararnar, sum
vóru møttir til tann hugfarsliga bólka-súkklutúrin ígjøgnum býin, við sanginum
ABC hjá The Jackons 5, “ABC as easy as one, two three....”
Ferðast Grønt hjá Tórshavnar kommunu hevði fingið
súkklusmiðir at vera á Glasi og kanna súkklurnar áðrenn súkklingin byrjaði.
Túrurin byrjaði á Glasi og leiðin gekk yvir um brúnna á Argjum, út á Argjaboða
og síðani beina leið heim í býin. Bólkurin av súkklum fylti nógv á vegunum, nakað
av ferðslu var, bilførararnir vóru tolnir og koyrdu spakuliga aftaná bólkinum
og alt gekk væl. Ferðast Grønt serveraði vistfrøðiliga suppu og vistfrøðiligar
køkur frá Vistgrøði í Posthúskjallaranum.
Um samanhald, umhvørvi og heilsugóður lívstílur hugbindur
teg, er Hjólvelting eitt gott høvi hjá tær at vera virkin og hugbundin saman
við øðrum, tað er ABC fyri sálarliga heilsu.
#vervirkin #versaman #verhubundin #abcfyrisálarligaheilsu