Mikudagin 9. mai var aðalfundur í Føroya Ráfiskakeyparafelag. Tveir nevndarlimir stóðu fyri vali.
Á aðalfundinum hjá Ráfiskakeyparafelagnum boðaði Petur H. Mohr frá, at hann stillaði ikki uppaftur. Í staðin valdi aðalfundurin Marnar Pattinson sum nýggjan nevndarlim. Hann hevur higartil verið tiltakslimur í nevndini, og tí skuldi nýggjur tiltakslimur eisini veljast.
Aðalfundurin valdi Dánial Paula Davidsen sum nýggjan tiltakslim.
Nevndin skipaði seg eftir aðalfundin við Regin Mikkelsen sum formanni og Jógvan Gregersen sum næstformanni.
Nevndin í Føroya Ráfiskakeyparafelag er nú mannað soleiðis:
Regin Mikkelsen, formaður
Jógvan Gregersen, næstformaður
Marnar Pattinson
Ludvík við Stein
Fríðin Ziskasson
Tiltakslimur: Dánial Pauli Davidsen