Hergerð Joensen framsýning í Ribarhúsi í Fuglafirði
Fríggjadagin 1. november kl. 16.00 letur Hergerð Joensen upp málningaframsýning í Ribarhúsi.
Hergerð sigur um framsýningina:
”Eg finni mær íblástur til málningarnar í okkara vøkru náttúru, uttan tó at endurgeva hana, eg royni at geva henni nýtt lív í myndunum. Tá eg máli, kenni eg tað sum um, at eg dansi, eg sveimi og fari á flog í mínum hugaheimi
– Eg gerist í góðum lag; og vónandi kunnu myndirnar eisini gleða onnur”.
Framsýningin er opin hvønn dag frá kl. 15.00 til kl. 17.30, leygardag tó frá kl. 11.00 til kl. 13.00, sunnudag er stongt.
Framsýningin endar týsdagin 12. november.
