Oyggjatíðindi

Lýðarsvegur 19

188 Hoyvík

 

Tlf: 314411

Teldupostur: oyggjat@olivant.fo

Heilsumálaráðharrar á norðurlendskum fundi

Annika Olsen, landsstýriskvinna við almannamálum og Karsten Hansen, landsstýrismaður við heilsumálum á norðurlendskum ráðharrafundi.

Burðardygg vælferð var evnið fyri kjakfund, tá norðurlendsku ráðharrarnir í almanna- og heilsumálum hittust í Bergen.

Ungdómsarbeiðsloysi, gongdin við fleiri eldri og stórur vøkstur av lívstílssjúkum seta tey norðurlendsku almanna- og heilsuverkini undir ógvusligt trýst komandi árini. Annika Olsen og Karsten Hansen skiftu orð við sínar norðurlendsku starvsfelagar um, hvussu tey í felag kunnu loysa hesar avbjóðingar og tryggja burðardygga vælferð, tá ið tey hittust í Bergen mánadagin og týsdagin.

- Ungdómsarbeiðsloysi er ein av teimum størstu avbjóðingunum í løtuni. Teir norðurlendsku ráðharrarnir søgdu, tá skjøtul varð settur á verkætlanina, “Inkludering af udsatte unge i arbejdsliv og uddannelse”, at tey ynsktu at samstarva á økinum. At hjálpa hvørjum øðrum at finna loysnir fyri, hvussu tey ungu kunnu fáa fótafesti innan útbúgving og á arbeiðsmarknaðinum og soleiðis økja um samstarvið landanna millum.

Orðaskiftið snúði seg eisini um stóru avbjóðingarnar at varðveita eitt vælvirkandi heilsuverk, sum er undir støðugum trýsti vegna broytingarnar í fólkasamansetingini og vaksandi tørvinum á viðgerðum fyri lívsstílssjúkum sum diabetes 2.

Fyri at varðveita eina burðardygga vælferð og heilsu í Norðurlondum, samtyktu ráðharrarnir málini fyri eina nýggja ætlan, sum setur fokus á sosiala trygd á arbeiðsmarknaðinum. Somuleiðis vilja ráðharrarnir fremja eitt miðvíst átak fyri fyribyrging í heilsuverkinum.