Heðin aftur formaður í KSF
Heðin Mortensen, borgarstjóri í Havn, er í morgun valdur sum formaður í Kommunusamskipan Føroya.
Stýrið í Kommunusamskipan Føroya hevur havt sín fyrsta fund í dag.
Á skranni var millum annað val av formanni og næstformanni. Heðin Mortensen, borgarstjóri í Tórshavnar kommunu, varð valdur sum formaður, og Magnus Rasmussen, borgarstjóri í Runavíkar kommunu, næstformaður. Jákup Frants Larsen, Fuglafjarðar kommuna, varð afturvaldur sum formaður fyri starvsbólkin.
Á fundinum luttóku eisini Johan Christiansen, borgarstjóri, og Erik Lervig, kommunustjóri, fyri Eystur kommunu, sum síðst í 2012 søkti um limaskap í KSF. Eystur kommuna verður partur av KSF frá í dag av og limaskapur teirra verður staðfestur á aðalfundi felagsins í mars mánaði.
Nýggja stýrið í KSF sær nú soleiðis út:
Heðin Mortensen, Tórshavnar kommuna,
Jógvan Skorðheim, Klaksvíkar kommuna
Magnus Rasmussen, Runavíkar kommuna
Sonni í Horni, Fuglafjarðar kommuna
Kristin Michelsen, Tvøroyrar kommuna
Dennis Holm, Vágs kommuna
Brandur Sandoy, Sands kommuna
Johan Christiansen, Eystur kommuna
Starvsbólkurin er nú soleiðis mannaður:
Ingibjørg Berg, Tórshavnar kommuna
Tummas Eliasen, Klaksvíkar kommuna
Dinna Jensen, Runavíkar kommuna
Jákup Frants Larsen, Fuglafjarðar kommuna
Jónleyg Bech, Tvøroyrar kommuna
Petry Joensen, Vágs kommuna
Marnar Højsted, Sands kommuna
Erik Lervig, Eystur kommuna