GLAS - Summarframsýningin 2014
Fríggjadagin 6. juni er árliga Mentanarnáttin í Tórshavn við ørgrynnu av mentanarligum upplivingum í býnum. Men áðrenn Mentanarnáttin brestur á, borðreiðir Norðurlandahúsið við eini heilt serligari listarligari uppliving.
Í sambandi við at árliga Summarframsýningin letur upp bjóða vit til ein Jazz-bita frá klokkan 12.00 til 13.00 við sprelskum jazztónum frá bólkinum “Yes or No” og heilsugóðum brellbitum frá nýggju kafé’ini SMAKKA.
Á summarframsýningini 2014 er glas sum tilfar í listini í miðdeplinum. Framsýningin gevur okkum høvi at uppliva møguleikarnar sum liggja í glasinum, tá tað hevur verið í hondunum á Tróndi Patursson (FO), Brynhildur Thorgeirsdóttir (IS), Pipaluk Lake (DK), Kristiina Uslar (EE), Outi Turpeinen (FI), Onnu Viktoriu Norberg (SE) og Brandi Patursson (FO). Sjey listafólk úr Norðurlondum og Baltalondum, sum hava glasið til felags. Sjey listafólk sum arbeiða við og móti teimum eginleikum, sum glasið hevur, og sum brúka hetta einastandani tilfar á hvør sín hátt.
lesið meira: http://listinblog.blogspot.com/2014/05/okkurt-at-glea-seg-til.html
