Sum eitt fyrsta stig hevur felagið skrivað undir eina nýggja, dagførda avtalu um samlagstrygging, galdandi fyri allar limirnar. Við nýggju avtaluni kann Føroysk Miðlafólk bjóða limunum eitt munandi sterkari, fíggjarligt trygdarnet í samband við sjúku ella deyða. Nýggja samlagstryggingin kemur í gildi 1. apríl og avloysir verandi limatrygging.

Føroysk Miðlafólk vil vera snúningsdepilin fyri øll miðlafólk í Føroyum. Næsta stigið verður at seta ferð á fakliga virksemið og annars gera felagið meira sjónligt. 

Føroysk Miðlafólk er í dag limur í norðurlendska, evropeiska og altjóða fakfelagssamstarvinum fyri journalistfeløg, og ætlanin er at uppraðfesta hesar limaskapir. Føroysk Miðlafólk er einasta felag, sum kann skriva út pressukort í Føroyum.

Eftir aðalfundin fyrr í mars er nevndin í Føroyskum Miðlafólkum breitt samansett við fólkum úr øllum miðlaheiminum, tað veri seg úr almenna Kringvarpinum, privatu miðlunum og fríyrkisfólkum. Hesi manna nevndina í felagnum:

Jón Brian Hvidtfeldt, formaður

Øssur Winthereig, næstformaður 

Sólvit Nolsø, skrivari

Uni Arge, nevndarlimur

Beate L. Samuelsen, nevndarlimur

Jógvan Hugo Gardar, tiltakslimur

Jens Kristian Vang, tiltakslimur

Nýggir limir kunnu tekna seg við at venda sær til formannin, jon@kvf.fo, ella onkran av hinum nevndarlimunum.