Føroya Arbeiðsgevarafelag undirskrivað sáttmála við Føroysk Miðlafólk
Lønarhækkingarnar eru á sama støði, sum teir sáttmálar, Føroya Arbeiðsgevarafelag hevur gjørt í hesum samráðingarumfarinum.
Føroya Arbeiðsgevarafelag og Føroysk Miðlafólk skrivaðu í gjár, 7. november 2011, undir nýggjan 2-ára sáttmála. Sáttmálin er galdandi frá 1. november 2011 til 1. november 2013.
Umframt smærri tillagingar í sáttmálanum, hevur semjan við sær eina lønarhækking á 0,82 % hin 1. november 2011 og 1,97 % hin 1. november 2012, og eina eftirlønarhækking á 0,5 % hvørt árið. Hækkingarnar eru sostatt á sama støði, sum teir sáttmálar Føroya Arbeiðsgevarafelag hevur gjørt higartil í hesi samráðingarrunduni, sum byrjaði við arbeiðarasáttmálunum á várið 2010.
Føroya Arbeiðsgevarafelag yvirtók sáttmálan við Føroysk Miðlafólk 1. apríl 2011, og er hetta sostatt fyrstu ferð, at Føroya Arbeiðsgevarafelag og Føroysk Miðlafólk skriva undir sáttmála.
