Fólkatingið viðgerð fólkafráflytingina úr Føroyum
Í dag verður temafundur í Fólkatinginum um fólkafráflytingina í Føroyum, har ið tvey føroysk og eitt danskt fakfólk hava framløgur, og síðani er orðaskifti um evnið.
- Tað er upplagt, at fólkatingslimir fáa kunnleika um avbjóðingina við fólkafráflytingini úr Føroyum, og spurningurin er, um vit í Ríkisfelagsskapinum kunnu gera eitthvørt fyri at stuðla upp undir at venda gongdini.
Hetta sigur Edmund Joensen, fólkatingsmaður fyri Sambandsflokkin, nú Føroyanevndini í dag hevur ein temafund um fólkafráflytingina.
Temafundurin er á skrá í Landstingssalinum í dag kl. 14.00-16.00.
Høvundarnir av bókini Exit Føroyar, Høgni Reistrup og Heri Á Rógvi,
http://www.facebook.com/hognireistrups?group_id=0
leggja fram, og tað sama ger Pia Heike Johansen, lektari við Center for Landdistriktsforskning.
- Í Føroyum mugu vit spenna okkum út, so fólkafráflytingin kann tálmast, og nú mugu vit kanna, um nakað kann gerast úr Fólkatinginum eisini, sigur Edmund Joensen.
Kristeligt Dagblad skrivar í dag um temafundin og um fráflytingina úr Føroyum.
Les greinina her:
"Færøerne ønsker hjælp til at bremse folkeflugt" :
