Bókin er skrivað og teknað av bretskum granskarum, og Tórshavnar kommuna hevur fingið rættindini at útgeva bókina ókeypis. Tað er Anna Maria Reinert Jensen, ið hevur týtt bókina og Bókadeild Føroya Lærarafelag hevur havt ábyrgd av útgávuni..

‘Fløskuposturin’ varpar ljós á trupulleikan við ruski í havinum. Djúphavsdjórini eru óð, tí at nógv rusk liggur og flýtur á havbotninum, og tað er ikki teirra rusk.

 ‘Børnini eru okkara tilfeingið, og íløgurnar í tey skapa dagin í morgin. Tí hevur Tórshavnar kommuna valt at útgeva ‘Fløskupostin’ og geva bókina sum eina gávu til øll børn í 1. flokki í Tórshavnar kommunu. Harumframt, fáa allir dagstovnar og bókasøvn í kommununi eintøk av bókini.

Vónandi verður ‘Fløskuposturin’ væl móttikin av øllum, sigur Turið Horn, forkvinna í Náttúru og umhvørvisnevndini.