FERÐSLUTØPPUR VIÐ SKANSAN
Tá Smyril skuldi fara av Havnini til Tvøroyrar gjáramorgun Kristi Himmalferðardag, tiptust báðar rundkoyringarnar við Skansan. Tað var bara Smyril inni í havnini at avgreiða, men av tí at bingjur eisini skuldu suður við og økið eisini var fult av bingjum at fara við Norrønu í gjárkvøldið, so tiptist, tá bíðirøðin av bilum skuldi oman á havnalagið.Av tí at bilar komu at standa í bíðirøð gjøgnum báðar rundkoyringarnar slapst illa ella als ikki framvið hjá hýruvognum og vørubilum og øðrum bilum. Hetta førdi í nøkrum førum til illstøðu, sum tó hevði so lítið uppá seg, at løgreglan, sum kom á staðið, onki gjørdi við málið.
Henda myndin er tikin beint eftir at koyrandi aftur var gjøgnum rundkoyringarnar.
