Í 2016 setti Poul Michelsen, landsstýrismaður í uttanríkis- og vinnumálum, arbeiðsbólk, ið skuldi gera eina heildarætlan fyri innlendis menning av ferðavinnuni. Ætlanin skal eyðmerkja avbjóðingarnar hjá ferðavinnuni í dag og koma við tilmælum, sum skulu slóða fyri menning í innanoyggja ferðavinnuni. 

Í arbeiðsbólkinum eru: Jóhan Pauli Helgason og Gunvør Balle fyri Uttanríkis- og vinnumálaráðið, Hanna á Reynatúgvu fyri Kunningarstovurnar, Eyðun Christiansen fyri Kommunufelagið, Maria Gunnleivsdóttir Hansen fyri Umhvørvisstovuna og Henny á Líknagøtu fyri Ferðavinnufelagið. 

 

Tá heildarætlanin verður handað landsstýrismanninum, fer arbeiðsbólkurin at leggja heildarætlanina fram og høvi verður at seta spurningar.

Tiltakið er alment.