Danmarks Radio setur fokus á fráflytingina úr Føroyum
SAMBANDSFLOKKURIN Á CHRISTIANSBORG: Seinnapartin í dag fara útvarpið og sjónvarpið hjá Danmarks Radio at viðgera spurningin um fráflytingina úr Føroyum.
- Hetta eydnaðist væl.
Tað sigur Edmund Joensen, fólkatingsmaður fyri Sambandsflokkin, eftir ein temafund í Fólkatinginum í gjár, har ið fokus varð sett á Føroya størstu avbjóðing: fólkafráflytingina.
- Endamálið við temafundinum var at kunna politikarar og almenning um fráflytingina og avleiðingarnar av henni. Fokus er eisini á at vita, um vit í Rìkisfelagsskapinum kunnu gera eitthvørt í felag fyri at venda gongdini, sigur fólkatingsmaðurin.
Fjølmiðlarnir - netmiðlar, bløð, útvarps og sjónvarp - hava sera stóran áhuga fyri evninum, og seinasta samdøgrið hava lesarar, lurtarar og hyggjarar kring alt Danmark fingið innlit í støðuna í Føroyum.
Eisini í Noreg og Íslandi hava miðlar borið tíðindi um avbjóðingina við fráflyting.
Bæði á Christiansborg og í fjølmiðlunum hava rithøvundarnir av bókini "Exit Føroyar", Heri á Rógvi og Høgni Reistrup, greitt frá teimum fakligu og samfelagsligu aspektunum og sagt sína hugsan um avbjóðingarnar.
Fólkatingsmaður Sambandsfloksins hevur somuleiðis havt høvi at sett orð á politisku avbjóðingarnar.
- Hetta snýr seg um at intensivera samstarvið t.d. á útbúgvingarøkinum og at taka burtur allar hugsandi forðingar fyri, at liðugt útbúnir føroyingar kunnu venda aftur til Føroya, sigur Edmund Joensen.
Seinnapartin í dag fer Danmarks Radio at lýsa fráflytingina úr Føroyum nærri.
Í útvarpssendingini "Orientering" á P1 verða tvey innsløg millum kl. 15.00 og 17.00, føroyska tíð.
"Orientering" er at hoyra beinleiðis á hesi slóð:
http://www.dr.dk/radio/player/?P1D
Í sjónvarpsendingini "Dagen" hjá DR2 verður fokus eisini sett á evnið í dag uml. kl. 15.15. Tá verður eitt nú Høgni Reistrup beinleiðis í sjónvarpsstovuni.
"Dagen" er at síggja beinleiðis á hesi slóð: