Byrjandi byggivirksemi undir Fossum
Í sambandi við vegagerðina Undir Fossum/Oman Eið og Niðan Horn í Klaksvík, er útstykkjað til íalt 19 sethúsagrundstykki, harav ein stórur partur nú er seldur, og nú sæst, at byggivirksemi er byrjað.
Undir Fossum og Niðan Horn er ein av áhugaverdu býlingunum í Klaksvíkar Kommunu, har ein nýggj sethúsaútstykking er gjørd.
Hendan seinasta útstykkingin fevnir um 19 sethúsagrundstykkir, har tey flestu eru 4-500 fermetrar til víddar.
Sølan av hesum grundstykkjum fer fram eftir grundstykkjalistanum, sum fyri hendan partin er umleið 300 umsøkjarar.
Tekniska Umsiting býráðsins, ið umsitur hesa sølu, upplýsir, at í løtuni eru umleið tveir triðingar av stykkjunum seldir.
