Aðalfundur í Føroya Handverksmeistarafelag

Hósdagin 10. apríl hevði Føroya Handverksmeistarafelag aðalfund

Føroya Handverksmeistarafelag er samansett av lokalfeløgunum í Havn, Eysturoynni, Klaksvík, Vágum og Suðuroy.

Fyri vali hesaferð stóðu umboðini fyri Havnar Handverksmeistarafelag, Magnus Magnussen og Vága Handverksmeistarafelag, Jens Kristian Haraldsen. Teir vóru báðir aftur innstillaðir vegna Havnar- og Vága Handverksmeistarafelag, og blivu tískil afturvaldir.

Sum tiltakslimir vóru Pauli Hofgaard, vegna Havnar Handverksmeistarafelag, og Thorfinn Nielsen, vegna Vága Handverksmeistarafelag, afturvaldir.

Í nevndini í Føroya Handverksmeistarafelag sita eisini Petur Frank Joensen, Dávur Høgnason og Sjúrður Holm.

Nevndin skipaði seg eftir aðalfundin á sama hátt sum eftir aðalfundin seinasta ár við Magnusi Magnussen sum formanni og Petur Frank Joensen sum næstformanni.